Suriya və İraqda İŞİD-ə qarşı əməliyyatlar gücləndiriləcək.
APA-nın "RİA Novosti"yə istinadən verdiyi məlumata görə, bunu Pentaqon rəhbəri Eşton Karter bəyan edib.
Qeyd edək ki, ABŞ və koalisiyaya daxil olan ölkələrin hərbi-hava qüvvələri ötən həftənin sonlarından etibarən İŞİD-in Suriyadakı mövqelərinə zərbələrin sayını iki dəfə artırıb. Təkcə dünən koalisiyanın hərbi təyyarələri terrorçuların Abu-Kamal, Raqqa, Ayn-İsa, Mara və Tel-Abyad yaşayış məntəqələrindəki mövqelərinə 12 zərbə endirib. Hədəf kimi hərbi texnika, neft emalı zavodları və digər infrastruktur obyektləri seçilib.
Şərhlər