“Prezident İlham Əliyevin Nardarana getməsi və orada görülən işlərlə tanış olması sakinlərdə ruh yüksəkliyi yaradıb”.
“Report”un xəbərinə görə, bunu jurnalistlərə açıqlamasında Qafqaz Müsəlmanları İdarəsinin sədri Şeyxülislam Allahşükür Paşazadə deyib.
O bildirib ki, Azərbaycanda hər kəs, o cümlədən Nardaran sakinləri dövlətin siyasətini dəstəkləyirlər: “Prezidentin Nardarana getməsi onu göstərir ki, Azərbaycanın hər bir guşəsi dövlət başçısı üçün əzizdir".
A.Paşazdə qeyd edib ki, Nardaran sakinləri Prezident İlham Əliyevin qəsəbəyə getməsindən razı qalıblar: "Nardaranlılar həmişə ölkə başçısının siyasətini dəstəkləyiblər. Bundan sonra da belə olacaq”.
Şərhlər