Məlum referendumdan sonra Avropa ölkələri Böyük Britaniyadan qisas almamalıdır.
APA-nın Reuters agentliyinə istinadən verdiyi xəbərə görə, bunu Almaniyanın xarici işlər naziri Frank-Valter Ştaynmayer bəyan edib.
“Avropa ölkələri Böyük Britaniyadan necə qisas almağı düşünməməlidir. İttifaqda qalan 27 ölkə diqqətlərini təhlükəsizlik, miqrasiya, iqtisadi artım və gənclər arasında işsizliklə mübarizəyə yönəltməlidirlər”, deyə F-V.Ştaynmayer bildirib.
Qeyd edək ki, dünən Böyük Britaniyanın Avropa İttifaqında qalıb-qalmamasını müəyyənləşdirən referendum keçirilib. Vətəndaşların 52 faizi Böyük Britaniyanın Aİ-dən çıxmasına səs verib.
Şərhlər