Futbolçunun Azərbaycan millisində çıxış etməsinin mövcud qaydalara uyğun olub-olmadığı müəyyənləşdiriləcək
AFFA Türkiyənin "Trabzonspor" klubuna keçən Rusiyanın 21 yaşadək futbolçulardan ibarət milli komandasının hücumçusu Ramil Şeydayevlə bağlı açıqlama yayıb. "Report"un məlumatına görə, qurumun rəsmi saytında bildirilir ki, Şeydayev AFFA-ya müraciət edərək Azərbaycan milli komandasında çıxış etmək arzusunda olduğunu bildirib.
Onun Azərbaycan millisində çıxış etməsinin hüquqi baxımdan mövcud qaydalara uyğun olub-olmamasının müəyyənləşdirilməsi məqsədilə AFFA FIFA-nın müvafiq komitəsinə müraciət ünvanlayıb.
FIFA-nın məsələ ilə bağlı qərarı barədə ictimaiyyətə məlumat veriləcək.
Şərhlər