Türkiyənin milli müdafiə naziri İsmət Yılmaz Naxçıvan Muxtar Respublikasına səfər edəcək.
Bu barədə APA-ya Türkiyə Milli Müdafiə Nazirliyinin Kuala Lumpurda keçirilən DSA-2014 sərgisində təmsil olunan nümayəndə heyətindən məlumat verilib.
Türkiyə müdafiə nazirinin Naxçıvana səfəri may ayına planlaşdırılır. Səfərin məqsədi barədə məlumat verilməyib.
Yeri gəlmişkən qeyd edək ki, 2 gündür Naxçıvanda Türkiyə və Azərbaycan hərbiçilərinin birgə tədbiri keçirilir. Azpolitika.info-ya daxil olan məlumata görə, aprelin 13-də Azərbaycan Müdafiə Nazirliyinin 50-dən artıq yüksək rütbəli zabiti Naxçıvana gedib.
4 türk dövlətinin "Turan Ordusu" yaratdığı, bu ordunun baş qərargahının Azərbaycana keçirildiyi haqda sensasiyalı məlumatların yayıldığı bir vaxtda Türkiyənin müdafiə nazirinin Naxçıvana səfəri xüsusi maraq doğurur.
V.Nəsibov
Şərhlər