İsrail tərəfi hərbi təyyarəsinin Suriya ordusu tərəfindən vurulması ilə bağlı məlumatları təkzib edib.
APA-nın xəbərinə görə, bu barədə “Jerusalem Post” yazıb.
Bildirilir ki, İsrail döyüş aviasiyasının ötən gecə Suriya hökumət qüvvələrinə qarşı zərbələr endirməsindən sonra Suriya ordusu “yer-hava” tipli 2 raket buraxıb, lakin hədəfi vura bilməyib. Məlumata əsasən bütün İsrail təyyarələri bazaya qayıdıb.
Xatırladaq ki, Suriya tərəfi ordunun mövqelərinin Əl -Kuneytra şəhərində və Qolan yüksəkliklərində atəşə tutulmasından sonra İsrailə məxsus hərbi təyyarənin və kəşfiyyat xarakterli pilotsuz uçuş aparatının vurulması barədə məlumat yayıb.
Şərhlər