Rusiya Ukraynaya göstəriş verib ki, gələcək qaz təchizatı üçün ödənişləri qabaqcadan etsin. Çünki Ukraynanın bir neçə milyard dollarlıq borcu yığılıb.
Enerji naziri Aleksandr Novak mayın 8-də yaydığı bəyanatda bildirib ki, iyunun 1-dən Rusiya Ukraynaya qaz verilməsi üçün öncədən ödəniş rejimi tətbiq edir. Səbəb kimi Ukraynanın mayın 7-dək 3.5 milyard dollarlıq qaz borcunu ödəməməsidir.
Ukrayna borcunu ödəyəcəyini vəd edir, ancaq Kiyev Gazprom-un qoyduğu yeni qiymətə etiraz edir. Martda, keçmiş prezident Viktor Yanukovych devriləndən sonra, Gazprom Ukrayna üçün min kubmetr qazın qiymətini 285 dollardan 485 dollara qaldırıb.
Ukraynanın enerji naziri Yuri Prodan mayın 8-də deyib ki, Kiyev qaz üçün ədalətli bazar qiymətini ödəməyə hazırdır. Ancaq Prodan-ın sözlərinə görə, Kiyev Qazpromun yeni qoyduğu qiyməti ödəyə bilməyəcək. O, həmin qiyməti «ədalətsiz» və «ayrı-seçkiliyə əsaslanan» adlandırıb.
Şərhlər