Gəncədə avtomobil piyadanı vuraraq hadisə yerindən qaçıb

Hadisə Nəriman Nərimanov prospektində baş verib

"Report"un Qərb bürosunun məlumatına görə, hadisə axşam saatlarında şəhərin Nəriman Nərimanov prospektində piyada yolu keçmək istəyərkən baş verib.

Vurulan şəxs 1974-cü il təvəllüdlü Kəlbəcər rayon sakini Çingiz Bağırovdur.

Yaralı ətrafdakıların köməkliyi ilə Gəncə şəhər Təcili Tibbi Yardım Xəstəxanasına yerləşdirilib. Onun vəziyyəti orta-ağırdır.

Hadisə şahidlərinin dediyinə görə, piyadanı "Mercedes-Benz" markalı avtomobil vurub.

Faktla bağlı araşdırma aparılır.