“Spartak” futbol klubunun tərəfdarının qətlindən sonra Moskvaətrafı ərazidə, Puşkin rayonunda aparılan yoxlama nəticəsində 140-a yaxın mühacir Rusiyadan deportasiya edilib.
Lent.az-ın “BBC”-yə istinadən məlumatına görə, Rusiya Federal Miqrasiya Xidməti bildirib ki, 501 nəfər yoxlanılıb, onların 146-nın miqrasiya qanununu pozduğu müəyyənləşib. Məhkəmənin qərarı ilə 136 -ı ölkədən çıxarılıb.
Yoxlamanın yekununa əsasən, miqrasiya qanununu pozan 9 nəfər barədə cinayət işi açılıb.
Xatırladaq ki, mayın 14-də Puşkin rayonunun sakini 22 yaşlı Leonid Safyannikov aldığı ağır zərbələrdən sonra ölüb. Mayın 15-də Özbəkistan vətəndaşı Jahongir Əhmədov şübhəli şəxs qismində saxlanılıb. Məlumata görə, o, suçunu etiraf edib.
Şərhlər