Ermənistanın Erebuni bazasındakı Rusiya Hərbi Hava Qüvvələrinə məxsus təyyarələrin təlim keçdiyi bildirilir.
"AzPolitika"nın məlumatına görə, Rusiya Silahlı Qüvvələrinin Cənub Hərbi Dairəsindən yayılan açıqlamada MİQ-29 təyyarələrinin təlimlərə başladığı bildirilir.
Təlim çərçivəsində döyüş təyyarələri müxtəlif tapşırıqlar yerinə yetirir.
Qeyd edək ki, Erebuni hərbi bazası 1995-ci ildə fəaliyyətə başlayıb. Bazada MİQ-29 qırıcıları və Mİ-24P və Mİ-8MT helikopterləri mövcuddur.
Təlimlərin son günlər Azərbaycanla Ermənistan arasında yaşanan gərginliklə eyni vaxta təsadüf etməsi diqqət çəkir.
Erebuni bazası İrəvanın 7 kilometr cənubunda və Türkiyə sərhədindən 25 kilometr məsafədə yerləşir.
Şərhlər