Azərbaycan Respublikasının Mərkəzi Bankı tərəfindən vəsaitlərin cəlb edilməsi üzrə növbəti depozit hərracı elan edilib.
“Marja” xəbər verir ki, Mərkəzi Bank 3 mart fevral 2017-ci il tarixində keçiriləcək hərracda 200 000 000 (iki yüz milyon) manat cəlb etməyi planlaşdırır.
Müddət 14 gün, faiz dərəcəsi 12,01%-14,99% təşkil edir.
Qeyd edək ki, Mərkəzi Bank depozit hərracları ilə dövriyyədəki manat kütləsini azaldır.
Xatırladaq ki, 27 fevral 2017-ci il tarixində Mərkəzi Bank tərəfindən vəsaitlərin cəlb edilməsi üzrə keçirilmiş növbəti depozit hərracında tələb 196,5 milyon manat, hərracın nəticəsində bağlanılmış depozit əqdləri üzrə orta ölçülmüş faiz dərəcəsi isə 14,73% təşkil etmişdir. Tələbin 196,5 milyon manat olmasına baxmayaraq Mərkəzi Bank 150 milyon manat cəlb edəcəyini elan etdiyindən həmin məbləğdə cəlb etmişdi.
Şərhlər