AzPolitika.info Ukrayna KİV-ə istinadla xəbər verir ki, Ukrayna hökuməti ölkə iqtisadiyyatına dəstək üzrə dördillik proqram çərçivəsində Beynəlxalq Valyuta Fondundan (BVF) 1 milyard dollarlıq növbəti tranşı alacaq. Kiyev bu barədə BVF-u ilə razılığa gəlib.
Bu barədə BVF-nun saytında məlumat verilib. Ukraynanın maliyyə naziri Aleksandr Danilyuk informasiyanı təsdiqləyib.
Qeyd edək ki, Ukraynaya maliyyə yardımı ölkə iqtisadiyyatına dəstək üzrə dördillik proqram çərçivəsində həyata keçirilir. Proqram 2015-ci ildən fəaliyyətə başlayıb.
Bu məqsədlə Ukraynaya ayrılacaq vəsaitin ümumi məbləği 17,5 milyard dollar qiymətləndirilir. Hazırkı vəziyyətə, Kiyev artıq bu məbləğin 6,5 milyard dollarını alıb.
Şərhlər