Bağdadda partlayış baş verib, ölən və yaralananlar var

İraqın paytaxtı Bağdadda partlayış baş verib.

APA-nın Reuters agentliyinə istinadən verdiyi xəbərə görə, insident şəhərin cənubunda yerləşən blokpostda qeydə alınıb.

İlkin məlumata əsasən, minalanmış yük maşınının partlaması nəticəsində 13 nəfər ölüb, 40-ı yaralanıb.

Terror aktına görə məsuliyyəti hələ ki heç bir qruplaşma öz üzərinə götürməyib.