Rusiyanın ən böyük internet şirkəti “Yandeks” Kiyev və Odessadakı ofislərini bağlamaq qərarına gəlib.
Bu barədə “Yandeks”in ictimai əlaqələr üzrə direktoru Oçir Mancikov bildirib.
““Yandeks. Ukraina” şirkəti sanksiyalar siyahısına daxil edilib və faktiki olaraq Ukrayna ərazisində fəaliyyət göstərə bilməz. Xüsusilə, şirkətin bütün hesabları dondurulub və biz əməkdaşlarımıza əmək haqlarını ödəyə bilmirik. Həmin işçilərə şirkətin digər ölkələrdəki ofislərində işləməyi təklif edəcəyik”, - deyə direktor söyləyib.
Qeyd edək ki, rəsmi Kiyev mayın 17-də Rusiyanın vətəndaş və təşkilatlarına qarşı sanksiyaları genişləndirib, eləcə də ukraynalı istifadəçilərin “Yandeks”ə girişinə qadağa qoyub.("Qafqazinfo")
Şərhlər