Lənkəranda yolu keçmək istəyən piyadanı avtomobil vurub.
APA-nın cənub bürosunun verdiyi məlumata görə, hadisə Ələt-Astara yolunun Lənkəran rayon ərazisindən keçən hissəsində qeydə alınıb.
Hələ ki şəxsiyyəti məlum olmayan yaşlı kişi yolu keçmək istəyərkən “KİA” markalı avtomobil tərəfindən vurulub.
Yaralı sürücü tərəfindən Lənkəran Rayon Mərkəzi Xəstəxanasına çatdırılıb.Hazırda reanimasiya şöbəsinə yerləşdirilən kişinin vəziyyətinin ağır olduğu bildirilir. Faktla bağlı araşdırma aparılır.
Şərhlər