Bakı, 20 iyun, SalamNews, B.Samid. İslam müctəhidi Ayətullah Seyyid Əli Sistani terrorçu “İraq və Şamda İslam Dövləti”nə (DAİŞ) qarşı könüllü dəstələrin təşkilinin yalnız dövlətin nəzarəti ilə həyata keçirilməsini tələb edib.
SalamNews–un "SumariaNews”a istinadla verdiyi xəbərə görə, bu barədə onun dəftərxanasının verdiyi bəyanatda deyilir.
Bəyanatda sözügedən təşkilata qarşı təşkil edilən könüllü silahlı dəstələrin ordu və təhlükəsizlik qüvvələrinin nəzarəti xaricində, qeyri şəkildə silahlı fəaliyyətinə icazə verilmədiyi bildirilir.
Ayətullah Sistaninin bəyanatında, həmçinin vurğulanır ki, indiyədək İŞİD-ə qarşı verilən cihad fətvaları əsla məzhəb ayrı-seçkiliyindən irəli gəlmir; yalnız və yalnız bu terror təşkilatı ilə mübarizə məqsədi daşıyır.
Şərhlər