Bu gün Milli Gimnastika Arenasında voleybol üzrə Avropa Çempionatı ərəfəsində Azərbaycan və İtaliya yığma komandaları arasında yoldaşlıq görüşü keçirilib.
Birinci hissə 25:18 hesabı ilə italyanların xeyrinə başa çatıb.
Faiq Qarayevin yetirmələri ikinci hissədə uzun müddət irəlidə olsalar da, sonda İtaliya yığması 25:21 hesabı ilə gedişi öz xeyirlərinə dəyişə bilib.
Üçüncü hissə 26:24 hesabı ilə Azərbaycan voleybolçularının xeyrinə başa çatsa da, dördüncü hissədə italyanlar 25:14 hesabı ilə yenə də irəlidə olublar.
Yoldaşlıq görüşü 3:1 hesabı ilə italyanların qələbəsi ilə başa çatıb. (“Trend”)
Şərhlər