ABŞ-ın Missuri Universitetinin professoru Sandvol Eric Alan Qafqaz seysmik şəbəkəsi - "Böyük və Kiçik Qafqazın strukturu və üstəgəlməsi proqramı" çərçivəsində aparılan seysmotomoqrafiya işləri ilə bağlı Bakıya gəlib.
Bu barədə Trend-ə AMEA Respublika Seysmoloji Xidmət Mərkəzindən məlumat veriblər.
Bildirilib ki, qonaq RSXM-nin baş direktoru, AMEA-nın müxbir üzvü Q.Yetirmişli ilə görüşüb.
Sandvol Eric Alan bu ilin may ayında başlayan layihə ilə bağlı görülən işlərlə tanış olacağını söyləyib.
Görüşdə ikitərəfli əməkdaşlıq məsələləri də müzakirə edilib.
Şərhlər