Zərdab rayonu Məlikumudlu kənd sakini, şəhid övladı Zərbəliyev Cahid Zabit oğlu "AzPolitijka.info" vasitəsilə Prezident İlham Əliyevə müraciət edib. Onun müraciətini qısa ixtisarla təqdim edirik:
"Mənim atam Zərbəliyev Zabit Kamil oğlu polis serjantı işləyib. 1992-ci il tarixdə Azərbaycan Respublikasının suverenliyi və Qarabağın azadlığı uğrunda gedən döyüşlərdə şəhid olub.
Atam şəhid olanda mənim 2 yaşım var idi.İndi isə traktor sürüb ailəmi əlimin zəhməti ilə dolandırıam. Ancaq halal zəhmət haqqımı ala biımədiyim üçün mətbuat vasitəsi ilə Prezident cənab İlham Əliyevə müraciət etməyi qərara aldım.
Belə ki, Zərdab rayonu Məlikumudlu kənd icra nümayəndəsi Ağaverdi Novruzovun tapşırığı ilə fermer Abdullayev Bəhram Şahlar oğluna məxsus 10 hektar torpaq sahəsini şumlayıb bir neçə dəfə malalamışam. Buna görə danışdığımız kimi 600 manat zəhmət haqqımı vermək istəmirlər. Bu ilin aprel ayı tarixindən məni sabah-sabah deyə-deyə aldadıb süründürməçiliyə məruz qoyub pulumu vermək istəmirlər.
Mən bu barədə Zərdab Rayon İcra Hakimiyyəti başçısının müavini Pərvin Mahmudovanın qəbulunda olub şikayət etsəm də, heç bir tədbir görmədilər.
Ailəmiz kböyükdür, tək gəlirimiz isə həmin traktordan gəlir. Məlikumudlu kənd icra nümayəndəsi Ağaverdi Novruzovla, keçmiş polis əməkdaşı fermer Bəhram Abdullyevisə pulumu vermək istəmirlər.
Mən mətbuat vasitəsi ilə prezident cənab İlham Əliyevdən xahiş edirəm ki, şəhid ailəsini aldadıb zəhmət haqqısını mənimsəyib verməyən Zərdab rayon Məlikumudlu kənd icra nümayəndəsi Ağaverdi Novruzovun və fermer Bəhram Abdullyevin barəsində tədbirlər görülməsinə tapşırıq verəsiniz.
Onların maddi imkanları çox geniş olsa da, şəhid ailəsinin pulunu mənimsəməyi üstün tuturlar. Şəhid ailəsinin işlədib aldadıb zəhmət haqqısını mənimsəyən şəxsdən dövlət qulluqçusu olmaz. Xahiş edirəm bizə köməklik edin".
P.S. Müraciətdə qeyd olunanlarla bağlı adları çəkilən şəxslərin də mövqeyini dərc etməyə hazırıq.
Şərhlər