Avropa İttifaqına (Aİ) üzv ölkələr ABŞ-dan nümunə götürərək, İsraildəki səfirliklərini Qüdsə köçürməlidirlər.
“Report” TASS-a istinadən xəbər verir ki, bunu cümə axşamı Çexiya prezidenti Miloş Zeman Praqanın "Barrandov" kanalında çıxışı zamanı deyib.
"Mən bundan [Trampın ABŞ-ın İsraildəki səfirliyinin Qüdsə köçürülməsi haqqında qərarından] böyük sevinc hissi keçirirəm. Mən dörd il əvvəl İsraildə səfərdə olan zaman bildirmişdim ki, Çexiya səfirliyinin Yerüsəlimə köçürülməsini olduqca alqışlayardım", - deyə o bildirib.
Aparıcının "Avropa İttifaqı ölkələri də ABŞ-ın yolu ilə gedərək İsraildəki səfirliklərini Qüdsə köçürməlidirlərmi?" sualına prezident "tamamilə doğrudur" deyərək cavab verib.
O həmçinin bildirib ki, eyni addımı Çexiya da atmalıdır.
Şərhlər