Bakının Sabunçu rayonu ərazisində 1 nəfərin xəsarət alması ilə nəticələnən yol qəzası baş verib.
“Report” xəbər verir ki, Ramana qəsəbəsində yerləşən Şuşa qaçqın şəhərciyi ərazisində "VAZ-2106" markalı minik avtomobili ilə "Daewoo" markalı marşrut avtobusu toqquşub.
Nəticədə "Jiquli"nin sürücüsü, 1981-ci il təvəllüdlü Nəsibov Ramin Osman oglu xəsarət alıb.
Əraziyə Yol Patrul Xidmətinin əməkdaşları cəlb edilib.
Faktla bağlı araşdırma aparılır.
Şərhlər