Rəsmi Bakı xarici jurnalistlərin Xankəndinə getməsinə icazə verdi - Paşinyana görə

Ermənistanın yeni baş naziri Nikol Paşinyan seçiləndən bir gün sonra-bu gün mayın 9-da Azərbaycanın işğal altındakı ərazlərinə səfər edib. O, ermənilərin Şuşanı işğal etməsi münasibətilə keçirdikləri bayram tədbirlərinə qatılacaq.

Bildirilir ki, Paşinyan bu gün Xankəndidə yerli və xarici media nümayəndələri üçün mətbuat konfransı keçirəcək.

Azərbaycan Xarici İşlər Nazirliyinin Mətbuat xidmətinin rəhbəri Hikmət Hacıyev bildirib ki, artıq "Financial Times", "Associated Press", "Agence France Press" kimi media qurumları rəsmi məktubla Azərbaycan XİN-ə müraciət edərək işğal olunmuş ərazilərə səfər etmək üçün Azərbaycan hökumətinin icazəsini xahiş ediblər: "Sözügedən beynəlxalq KİV-in ölkəmizin qanunlarına, ərazi bütövlüyü və suverenliyinə, həmçinin beynəlxalq hüquqa hörmətlərini nəzərə alaraq onların nümayəndələrinin işğal olunmuş ərazilərimizə səfərinə etiraz edilməyib".

XİN rəsmisi daha sonra bildirib: "Ümidvarıq ki, bu səfər əsnasında beynəlxalq KİV nümayəndələri Azərbaycanın işğal olunmuş Laçın rayonu və Dağlıq Qarabağ bölgəsi ilə hərəkət edərək bu ərazilərin köklü Azərbaycanlı sakinlərinə qarşı işğal nəticəsində törədilmiş etnik təmizləmə və onların mülkiyyətinin, Azərbaycan xalqına məxsus maddi-mədəni irsin talan edilməsi ilə yerindəcə tanış ola biləcəklər. Biz xarici KİV nümayəndələrinə bu səfər əsnasında tamamilə viran edilmiş Ağdam, Cəbrayıl, Füzuli və digər rayonlara da getməyi tövsiyə edirik. Amma təcrübə göstərir ki, Ermənistan tərəfi onların Xankəndidən kənara çıxmasına imkan verməyəcək".

Xatırladaq ki, rəsmi Bakı ilə razılaşdırmadan işğal altındakı ərazilərə səfər edən xarici jurnalistlər bir qayda olaraq Azərbaycan XİN-in qara siyahısına daxil edilir.

Şərhlər

əli 2018-05-09 11:05:54

Kimə lazımdır görəsən bunların icazəsi?..Verməyib nə edə bilirsəm ki?Güya verməsəydi getməyəcəkdirlər ? Hünərli oğuluqsa Paşinyana icazə verməyək və axtarışa varək.Yoxsa bir fağır Lapşin tapıb tutmuşdurlar .....

kluni 2018-05-09 11:05:54

Siz icazə verməsəydiniz, onlar oturub ağlayacaqdılar.