Venesuela denominasiyadan sonra dolların məzənnəsini 24 dəfə qaldırıb

Venesuelada ötən bazar ertəsi denominasiyanın başlamasından sonra ABŞ dolları rəsmi olaraq 24 dəfə bahalaşıb.

“Report” TASS-a istinadən xəbər verir ki, Mərkəzi Bankın məlumatına görə, avqustun 21-də milli valyutanın məzənnəsi 1 avroya nisbətdə 68,65 suveren bolivar və ya 1 ABŞ dollarına görə təqribən 60 bolivar təşkil edib.

Bir suveren bolivar 100 min köhnə bolivara bərabərdir. Köhnə valyuta ilə 1 dollar 248 min bolivar təşkil edir.