Gəncə-Samux avtomobil yolunda yol-nəqliyyat hadisəsi baş verib."Report"un Qərb bürosunun məlumatına görə, hadisə yolun Gəncə şəhərindən keçən ərazisində qeydə alınıb.
Belə ki, "Niva" markalı avtomobillə "QAZ-3110" markalı avtomobil toqquşub. Hadisə nəticəsində Samux rayon Qovlar kənd sakini, 1980-ci il təvəllüdlü Rəşad Gəray oğlu Xəlilov və onun həmyaşıdı Şaiq Elxan oğlu Əhmədov xəsarət alıblar. Hər iki yaralı xəstəxanaya yerləşdirilib. Onların vəziyyətlərinin orta-ağır olduğu bildirilir.
Əraziyə Dövlət Yol Polisi İdarəsinin əməkdaşları cəlb olunub. Qəzanın başvermə səbəbləri araşdırılır.
Şərhlər