ABŞ hökuməti demokratlar Konqresdə Meksika ilə sərhəddə divarın inşasına vəsait ayrılmasının lehinə səs verməyincəyə qədər, öz işini bərpa etməyəcək.
“Report” xəbər verir ki, bunu Amerika lideri Donald Tramp deyib.
"Mən hökumətin öz işini nə zaman bərpa edəcəyini deyə bilmərəm. Lakin deyə bilərəm ki, divar, hasar, hər necə adlandırırlarsa, olmayınca, bu, baş verməyəcək", — deyə "Associated Press" Trampın sözlərini sitat gətirib.
O həmçinin qeyd edib ki, narkotik maddələrin qanunsuz dövriyyəsi və qanunsuz miqrasiyanın qarşısı yalnız bu maneənin inşası yolu ilə alına bilər.
ABŞ hökuməti dekabrın 22-də fəaliyyətini qismən dayandırıb.
Şərhlər