İtaliya Futbol Federasiyası "İnter" klubunu cəzalandırıb.
"Report" AFP-yə istinadla xəbər verir ki, komanda növbəti iki ev oyununu boş tribunalar önündə oynayacaq.
Buna klub azarkeşlərinin A Seriyasının XVIII turunda evdə "Napoli" ilə matçdakı davranışları səbəb olub. Oyun zamanı meydan sahiblərinin fanatları rəqibin futbolçusu Kalidu Kulibaliyə qarşı irqçi ifadələr işlədiblər.
Qeyd edək ki, görüş "İnter"in 1:0 hesablı qələbəsi ilə başa çatıb. Oyundan əvvəl baş verən iğtişaşlarda 4 azarkeş bıçaqlanıb, biri isə dünyasını dəyişib.
Şərhlər