Dövlət Sərhəd Xidməti (DSX) dövlət sərhədinin etibarlı mühafizəsi istiqamətində həyata keçirilmiş əməliyyat-axtarış və qoşun tədbirləri nəticəsində ölkə ərazisinə narkotik vasitələrin qeyri-qanuni gətirilməsinin qarşısı alıb.
DSX-nin Mətbuat Mərkəzindən verilən məlumata görə, aprelin 11-i saat 01:25-də Sərhəd Qoşunlarının “Horadiz” sərhəd dəstəsinin xidməti ərazisində İmişli rayonunun Bəhrəmtəpə qəsəbəsi yaxınlığındakı sərhəd zastavasının xidməti sahəsində dövlət sərhədindən qaçaq yolla İran İslam Respublikasından Azərbaycana narkotik vasitələri keçirmək istəyən və əraziyə “Mersedes-Benz” markalı avtomobillə gələn 3 nəfər Azərbaycan vətəndaşı 1978-ci il təvəllüdlü Şirinov Ramil İmamverdi oğlu, 1970-ci il təvəllüdlü Eyvazov İntiqam Eldar oğlu və 1974-cü il təvəllüdlü Abdullayev Qurban Cəmil oğlu şübhəli şəxs qismində saxlanılıblar.
Saxlanılan şəxslərə və nəqliyyat vasitəsinə baxış keçirilərkən ümumi çəkisi 6 kq 330 qr olan qurudulmuş marixuana və 55 ədəd toxum narkotik vasitə aşkar olunaraq götürülüb.
Qeyd olunan fakt üzrə müvafiq əməliyyat-istintaq tədbirləri davam etdirilir, saxlanılan şəxslər barəsində cinayət işi başlanılıb.
Şərhlər
Azərbaycana narotikanın qapısını ilk olaraq 1992-ci ildə Əlikram Hümbətovun rəhbərliyi altında "sərhəd qüvvələrini" formalaşdıran zabitlər açdılar. Cənub sərhəd qoşunlarına soxulan bu zabitlər,azərbaycanlı olsalar da Rusiyadan idarə olunan casuslar idi.Həmin vaxt onlar Azərbaycanı narkotranzit ölkəsinə çevirdilər və milyardlarla pul qazandılar.Təəssüf ki həmin casus zabitlərin əməlləri hələ də araşdırılmır.Əldə etdikləri pullar hesabına bütün araşdırmaları bağlayırlar..