Nazirlər Kabineti yanında Yetkinlik Yaşına Çatmayanların İşləri və Hüquqlarının Müdafiəsi üzrə Komissiyanın tapşırığı əsasında Təhsil, Səhiyyə, Daxili İşlər, Əmək və Əhalinin Sosial Müdafiəsi, Gənclər və İdman nazirliklərinin, Ailə, Qadın və Uşaq Problemləri üzrə Dövlət Komitəsinin, Bakı şəhəri İcra hakimiyyətinin əməkdaşlarından ibarət monitorinq qrupu tərəfindən 1 saylı körpələr evi, Azərbaycan Uşaqlar Birliyi QHT-nin Uşaq Sığınacağı Reinteqrasiya Mərkəzində, 60 saylı körpələr evi – uşaq bağçasında monitorinqlər keçirib.
ONA-nın məlumatına görə, bu, Ailə, Qadın və Uşaq Problemləri üzrə Dövlət Komitəsinin 2018-ci il üzrə fəaliyyəti haqqında hesabatında öz əksini tapıb
Qeyd edilib ki, monitorinq qrupu tərəfindən siyahı üzrə müəyyən edilmiş dövlət uşaq müəssisələrinə baxış zamanı uşaqların saxlanılması, tərbiyəsi, qidalanması vəziyyəti, onların inteqrasiyası və reabilitasiyası, həmçinin müəssisənin mövcud vəziyyəti qiymətləndirilib, aşkar edilən nöqsanlar, eləcə də müəssisələrin inkişafı ilə bağlı tövsiyələr protokollaşdırılıb.
Şərhlər
Nə olar bir dəfə də olsun "Ümid Yeri" Xeyriyyə Cəmiyyətinin nəzdində olan uşaq sığınacağında da Komitə və səlahiyyətli orqanlar yoxlama keçirtsinlər də. Görəcəklər ki, orada uşaqların başına nə oyunlar açılır. Sığınacağın direktoru Nigar yazıq uşaqların hesabına 2 oğlu üçün necə biznes qurub. Heydər Əliyev Fondu xeyriyyə cəmiyətinin Binə qəsəbəsində yerləşən özəl əmlakını yüksək səviyyədə təmir edib. Bu günlərdə açılış olacaq. Bir yoxlasınlarki orada işləyənlər kimdir və uşaqların başına nələr gətirirlər!