Cənubi Koreyada mobil telefon detallarını istehsal edən zavodda baş verən partlayış nəticəsində 1 nəfər ölüb, 3 nəfər yaralanıb.
“Report” “Yonhap”a istinadən xəbər verir ki, bunu yerli yanğınsöndürmə xidmətindən bildiriblər.
Hadisə ölkə paytaxtı Seuldan 170 km cənub-şərqdə yerləşən Çxunçxon-Pukto əyalətinin Çeçxon şəhərində baş verib. Konveyerdə partlayış baş verəndən, təxminən, 10 dəqiqə sonra yanğın olub. Yanğın söndürülüb.
Polis və yanğınsöndürmə xidməti hadisənin səbəbini araşdırır.
Şərhlər