Sentyabrın 3-də Moskvada Rusiya və Azərbaycan futbol yığmalarının yoldaşlıq görüşü 4-0 hesabı ilə meydan sahiblərinin xeyrinə başa çatıb.
Oyunun artıq 12-ci dəqiqəsində Azərbaycan futbolçuları 2-0 hesabı ilə geridə idilər.
6-cı dəqiqədə Rusiya hesabı açıb 1:0. Qolu Kerzhakov vurub, bir qədər sonra isə hesabı artırıb. Bu, Rusiya hücumçusunun yığmanın tərkibində vurduğu 28-ci qoldur. Rusiya millisi tarixində bundan artıq qol vuran olmayıb. Əvvəlki rekord 26 qol idi .
Birinci hissənin sonunda Sergey İgnashevich hesab arasındakı fərqi artırıb 3-0.
İkinci hissədə, oyunun 78-ci dəqiqsəində Vladimir Granat Azərbaycan yığmasının qapısından keçirib (4-0)
"Avro2016"-nın seçmə mərhələsinə başlayan Azərbaycan yığması ilk oyununu sentyabrın 9-da Bakıda Bolqarıstan millisinə qarşı oynayır. Rusiya ilə görüş Berti Vogts-un rəhbərlik etdiyi yığma komandanın sonuncu yoxlama matçı idi.
Şərhlər