Müəllim olmaq istəyən namizədlərin şəxsi səhifəsi üzərindən imtahan təşkilatçısına apelyasiya qaydasında müraciəti başa çatıb.
Bu barədə APA-ya Təhsil Nazirliyindən məlumat verilib.
Bildirilib ki, müəllimlərin işə qəbulu üzrə müsabiqənin test imtahan mərhələsi ilə bağlı yekun nəticələr hər bir namizədin şəxsi səhifəsinə göndərilib.
İyulun 27-dən 29-na qədər namizədlər şəxsi səhifəsi üzərindən imtahan təşkilatçısına apelyasiya qaydasında müraciət ediblər. Müraciətlərin nəticələri avqustun 6-na qədər şəxsi səhifəyə göndəriləcək.
Bu il müsabiqəyə ilkin olaraq təxminən 7000 vakant iş yerinin çıxarılması gözlənilir.
Şərhlər