21 yaşadək futbolçular arasında Avropa çempionatının seçmə mərhələsinin Fransa – Azərbaycan oyununun hakimləri açıqlanıb.
APA-nın məlumatına görə, oktyabrın 10-da keçiriləcək görüşü portuqaliyalı ədalət təmsilçiləri idarə edəcəklər.
Matçın baş hakimi Antonio Emanuel Karvalyo Nobre olacaq. Ona yan xətt hakimləri Nuno Pereyra və Bruno Alves Xesus kömək edəcəklər. Dördüncü hakim funksiyasını Helder Malheyro yerinə yetirəcək.
Qeyd edək ki, Kale şəhərindəki “Stad Lepope”də baş tutacaq görüş Bakı vaxtı ilə saat 23:00-da başlayacaq.
Şərhlər