“İslahat dalğası mətbuata da çatmalı, mətbu vitrin ən qısa zamanda yenilənməlidir”.
Bu sözləri Modern.az saytına açıqlamasında Jurnalist Araşdırmaları Mərkəzinin sədri Seymur Verdizadə deyib.
Təşkilat rəhbəri bildirib ki, mətbuatın vitrinində ləyaqətli jurnalistlər təmsil olunmalıdır: “Media sahəsinə ləkə olan, öz mövcudluğu ilə bu sektoru zibilləyən adamlardan qurtulmağın vaxtı çatıb. Sözün nazını çəkən, jurnalist etikasını şəxsi mənafeyindən üstün tutan qələm adamlarına meydan verilməlidir. Hesab edirəm ki, KİV-in İnkişafına Dövlət Dəstəyi Fondu islahatlardan kənarda qalmamalıdır. Bu qurumda da struktur və kadr islahatları aparılmalıdır. Jurnalisti məmurlara yaltaqlanmağa vadar edən zehniyyətdən birdəfəlik xilas olmalıyıq. KİV Fondu sözdə deyil, əməldə mətbuata dəstək olmalıdır. Bu qurum üçün xarakterik olan dostbazlıq, yerlibazlıq, qohumbazlıq kimi xəstəlikləri müalicə etməyin vaxtıdır. Yekəxana, təkəbbürlü adamlar Prezidentin çağırışına səs verib, tutduqları postlarla könüllü şəkildə vidalaşmalıdırlar”.
Şərhlər
Seymur müəllim, QHT-lərə Dövlət Dəstəyi Şurasını da yaddan çıxartmaq lazım deyil. Bu Şura Əli Həısənovun tam nəzarətində idi. Layihələr onun göstərişi ilə qəbul olunurdu. Bu gün Şurada işləyənlərin çoxu ləğv olunmuş humanitar şöbədə müdir müavini olan Tahir Süleymanovun qohumları, Şura üzvlərinin ailə üzvləri, MQHT Forumunda təmsil olunan QHT sədrlərinin övladları və ailə üzvləridirlər.