“Əl-Qaidə”nin Yəməndəki rəhbəri öldürülüb

ABŞ hərbçiləri “Əl-Qaidə” terror qruplaşmasının Yəməndəki rəhbəri Kasim ar-Rimini məhv ediblər.

Bu haqda məlumatı Ağ Ev yayıb.

Məlumata əsasən, ABŞ Prezidenti Donald Trampın tapşırığı əsasında həyata keçirilən əməliyyat nəticəsində terror qruplaşmasının rəhbəri məhv edilib.

“Onun ölümü Ərəbistan yarımadasında və bütün dünyada “Əl-Qaidə”yə ciddi zərbə vurub. Milli maraqlarımıza zidd olan bu qruplaşmaların təhlükələrinin zərərsizləşdirilməsinə yaxınıq”, - bəyanatda qeyd edilib.