Lənkəranda ölüm hadisəsi baş verib.
“Report”un Cənub Mərkəzinin verdiyi məlumata görə, Lənkəran şəhər sakini, Z.Əliyeva küçəsi 33 ünvanında yaşayan, qaynaqçı, 1958-ci il təvəllüdlü Nəhmət Sərəng oğlu Məmmədov iş zamanı ehtiyatsızlıqdan 3-4 metr hündürlükdən yıxılıb. Nəticədə o, başından xəsarət alıb.
N.Məmmədov Lənkəran Rayon Mərkəzi Xəstəxanasına çatdırılıb və ona qapalı kəllə-beyin travması diaqnozu qoyulub. Həkimlərin səyinə baxmayaraq, reanimasiya şöbəsində müalicə alan yaralının həyatını xilas etmək mümkün olmayıb. Mərhumun meyiti Məhkəmə - Tibbi Ekspertiza və Patoloji Anatomiya Birliyinin Lənkəran şöbəsinə təhvil verilib.
Faktla bağlı araşdırma aparılır.
Şərhlər