Çimərlik futbolu üzrə Azərbaycan milli komandasının kapitanı Asif Zeynalov koronavirusla mübarizəyə qoşulub.
"Report"un məlumatına görə, bu barədə AFFA-nın rəsmi "Facebook" səhifəsi xəbər yayıb.
"Çimərlik futbolu üzrə milli komandamızın kapitanı Asif Zeynalovun timsalında "Covid-19"-la mübarizədə canlı sipər olan bütün görünməz qəhrəmanlara təşəkkür edirik!", - paylaşımda qeyd olunub.
Federasiyanın Mətbuat xidmətindən aldığımız məlumata görə, həm də Fövqəladə Hallar Nazirliyində xilasedici işləyən 37 yaşlı yarımmüdafiəçi karantində olan insanların təcrid rejiminə əməl etmələrinə nəzarət edir.
Şərhlər