Milli Məclisin bu gün keçirilən növbədənkənar sessiyasının plenar iclasında İnzibati Xətalar Məcəlləsinə dəyişikliklər müzakirə edilib.
“Report” xəbər verir ki, Məcəlləyə edilən dəyişikliyə əsasən, karantin rejimləri dövründə tənəffüs yollarını qoruyan fərdi vasitələrdən istifadə ilə bağlı tələblərin pozulmasına görə cərimələr müəyyənləşib.
Dəyişikliyə əsasən, epidemiya əleyhinə, sanitariya-gigiyena və karantin rejimləri dövründə tənəffüs yollarını qoruyan fərdi vasitələrdən istifadə ilə bağlı müvafiq icra hakimiyyəti orqanı tərəfindən müəyyən edilən tələblərin pozulmasına, habelə vəzifəli şəxslər tərəfindən həmin tələblərin pozulmasının qarşısının alınmamasına görə fiziki şəxslər 50 manat məbləğində, vəzifəli şəxslər 100 manat, hüquqi şəxslər 200 manat məbləğində cərimə ediləcək.
Bu xətanın inzibati tənbeh almış şəxs tərəfindən inzibati tənbeh vermə haqqında qərar qüvvəyə mindiyi gündən epidemiya əleyhinə, sanitariya-gigiyena və karantin rejimləri dövrü başa çatanadək təkrar törədilməsinə görə fiziki şəxslər 100 manat, vəzifəli şəxslər 200 manat, hüquqi şəxslər 400 manat məbləğində cərimələnəcək.
Məcəlləyə dəyişiklik layihəsi III oxunuşda qəbul edilib.
Şərhlər
Allah eləməsin,əgər virus kimisə yaxalayacaqsa maskaya-filasna baxmır.Bu da bir oyundur,büdcəni doldurmaq üçün əhalinin başına açırlar.
Rəzalət! Milli Məclis növbədənkənar iclas keçirr ki.,insanları cərimələyək.Bunun milli tərəfi bəllidirmi?Niyə Qarabağla.Şuşa ilə bağlı Milli Məclis fövqəladə,növbədənkənar iclas keçirməyi unudur və ya yadına düşmür,amma kasıb insanları,maska almağa belə imkanı olmayanları 50 manat cərimələmək üçün növbədənkənar iclas keçirir?Bunu anlamaq mümkündürmü Bunun harası Milli olur?Biabrçılıq belə yaranır.
Milli meclis yox natorial kantor