Nigeriyada fəaliyyət göstərən "Boko Haram" terror qrupunun lideri Əbubakar Şekaunun qətlə yetirildiyi barədə məlumatlar təkzib olunub.
Nigeriyanın Müdafiə Nazirliyi bir qədər əvvəl Şekaunun öldürüldüyünü bildirmişdi.
Milli.Az Daily Mail-ə istinadən bildirir ki, "Boko Haram"ın yaydığı yeni videoda "Boko Haram"ın lideri əlaltıları ilə birlikdə kamera qarşısındadır.
Əynində kamuflyaj forma, ayaqlarında rezin uzunboğaz çəkmələr olan Əbubakar Şekau deyir: "Budur, sağam! Ölməyim barədə yayılan xəbərlər, gördüyünüz kimi, yalandır. Yalnız Allah nəfəsimi alanda öləcəyəm. O ana qədərsə İslam və Şəriət üçün sürəkli mübarizə aparacağam".
Son 5 ildə artıq 2-ci dəfədir ki, Əbubakar Şekaunun ölümü ilə bağlı xəbərlər yayılır.
Dünən "Boko Haram" Nigeriya Hərbi-Hava Qüvvələrinin pilotunun edam səhnələrinin əks olunduğu videonu da yayıb.
Nigeriya HHQ-nin qırıcı təyyarəsi və 2 pilotu sentyabrın 11-dən itkin düşmüş sayılırdı.
Şərhlər