Daxili İşlər Nazirliyi Baş Dövlət Yol Polis İdarəsi (BDYPİ) sosial şəbəkələrdə polis əməkdaşlarının sürücünü döyməsi ilə bağlı yayılan videogörüntüyə münasibət bildirib.
BDYPİ-nin şöbə rəisi, polkovnik Kamran Əliyev "Report"un sorğusuna cavab olaraq qeyd edib ki, videogörüntü idarədə araşdırılıb.
Onun sözlərinə görə, hadisə Masallı rayon ərazisində qeydə alınıb:
“Həmin şəxs traktor sürücüsü olub. O, polisə tabe olmayıb, saxlanılandan sonra da sənəd təqdim etməyib. Həmin şəxs daha sonra polisə müqavimət göstərib. Düzdür, bizim əməkdaşlar tərəfindən də qanunsuz hərəkətlərə yol verilib. Sürücüsyə qarşı sərt tədbirlər gördükləri üçün həmin polis əməkdaşları haqqında da intizam tənbehi tədbiri görülüb”.
Qeyd edək ki, sosial şəbəkələrdə Masallı YPX-nin komandiri, baş leytenant Ariz İsmayılov və digər polis əməkdaşlarının iştirakının iddia olunduğu videogörüntü yayılıb.
Videogörüntüdə polis əməkdaşları sürücünü avtomobildən zorla çıxarması, sonra döyməsi əks olunub.
Şərhlər
Belə çıxır ki,xalqa qarşı zorakı tədbirlər keçirən bəzi polislər çirkin və zorakı əməllərindən nəinki nəticə çıxarmır,qəddar mövqelərini davam etdirirlər. Belə polislərin əhaliyə qarşı qəddarlığı isə hakimiyyətin əhaliyə ünvanladığı "sizin sağlamlığınızın qayğısına qalırıq" şüarı ilə heç uyğun gəlmir..
O YPX-İŞCİLƏRİ tutduqu vəzifədən azad edilməli və məsuliyyətə cəlb edilməlidirlər.Bu sahədə calışanların sırasında təcrübəli işinə vicdanla yanaşanlar coxdur.AMMA ƏYRİ YOLLARLA RÜŞVƏTLƏ BU SIRAYA DAXİL OLANLARDA var baxın onlar verdiyi pulu cıxartmaq ücün bütün HOKQADAN CIXIRLAR.