Bu ilin II rübündə Gürcüstandan 1 Azərbaycan vətəndaşı deportasiya olunub.
“Report”un yerli bürosu xəbər verir ki, bu barədə Gürcüstan Daxili İşlər Nazirliyinin hesabatında bildirilib.
Aprel-iyun ayları ərzində qonşu ölkədən çıxarılan Azərbaycan vətəndaşı 18 yaşında gənc qadın olub.
Hesabat dövründə Gürcüstan ərazisindən, ümumilikdə, 7 xarici ölkə vətəndaşı çıxarılıb.
Qeyd edək ki, bu ilin I rübündə Gürcüstandan iki Azərbaycan vətəndaşı deportasiyası edilib.
Şərhlər