İraqda Səddam Hüseyn idarəçiliyi dövrünün sonuncu müdafiə naziri Sultan Haşim ürəktutmasından ölüb. Zikar əyaləti qubernatoru administrasiyasının nümayəndəsi Casim əs-Səədi xəbər verib ki, Haşim bu ərəfədə, iyulun 19-da 79 yaşında Ən-Nəsriyyə şəhərinin «Əl-Xut» həbsxanasında keçinib. Xəbəri bazar ertəsi yerli «Shafaq News» agentliyi yayıb.
Eks-nazir son illər xroniki xəstəliklərdən əziyyət çəkirmiş.
Sultan Haşim Səddam dövrünün aparıcı xadimlərindən biri olub. O, İraqın 1980-ci ildən apardığı bütün müharibələrdə, İranla (1980-1988), birinci və ikinci Fars körfəzi müharibələri də daxil olmaqla, iştirak edib.
Haşim Birləşmiş Ştatlar tərəfindən axtarışa verilib, 2003-cü ildə ABŞ ordusuna təslim olub. Onu 2007-ci ildə ölüm cəzasına məhkum ediblər, ancaq hökm icra olunmayıb.
AzPolitika.info
Şərhlər