General Azərbaycan Ordusunun uğurlu “Sədərək əməliyyatı”ndan yazdı

Ehtiyatda olan general-mayor Altay Mehdiyev illər əvvəl Naxçıvan Muxtar Respublikasının Sədərək rayonu istiqamətində həyata keçirilmiş 2000 hektardan artıq ərazinin Ermənistan Ordusunun işğalından azad edilməsi ilə nəticələnən uğurlu “Sədərək əməliyyatı”ndan yazıb.

Uğurlu “Sədərək əməliyyatı” barədə bu günədək Azərbaycan KİV-lərində bəhs edilmədiyindən "Azeri Defence" saytı generalın xatirələrini oxucuları ilə bölüşür. 

General bildirib ki, Sədərək rayonu istiqamətində “Şərab zavodu” və ətrafında duşmən tərəfindən zəbt olunmuş 2000 hektara yaxın ərazinin azad edilməsi ücün onun təşəbbüsü, planı və şəxsən rəhbərliyi altında gecə əməliyyatı hazırlanıb həyata keçirilib.

"Bütün sualların qabaqcadan hazırlanmasına baxmayaraq, əsas istiqamət – “Şərab zavodu” istiqamətində ərazi hündür ot və qamışla örtüldüyündən mühəndis xidməti rəisi düzgun olaraq düşmənin mina sahəsini təmizləməkdən imtina etdi. Bu mənə məruzə olunanda beynimə dörd qərar gəldi:

1. Mina sahələrini nəyin bahasına olursa olsun, mühəndis qurupu tərəfindən təmizlənməsinə əmr vermək. Mənim bir komandir kimi bu əmri verməyə haqqım yox idi.

2. Mina sahələri təmizlənmədən bölmələrə “İrəli” komandasını vermək. Bu böyük itkilərə səbəb ola bilərdi. Bunu ömrüm boyu özümə bağışlaya bilməzdim.

3. Əməliyyatı davam etməkdən imtina etmək. Belə olan halda biz “Şərab zavodu”nu və ətraf əraziləri bir daha azad edə bilməzdik.

4. Mina sahəsini şəxsən birinci olaraq özüm keçməliyəm (buraxdığım səhvi aradan qaldırmaq üçün).

“Şərab zavodu” istiqamətinə gələrək irəli keçdim. Əlbətdə ki, hərbi bilik və bacarıqlarımdan, Qarabağ müharibəsində qazandığım təcrübəmdən istifadə edərək, birinci olaraq (mənimlə birlikdə muhəndis xidməti rəisinin müavini mayor A. Bədəlov, taqım komandiri və 3 nəfərdən ibarət mühəndis qurupu) mina sahəsini kecərək əsas qüvvələrin kecidini təmin etdik. Bir nəfər olsun itki vermədən “Şərab zavodu”nu və ətraf ərazini səhər saat 5 radələrində, planlaşdırdığımız kimi azad etdik. Düşmən bunu sonra başa düşdü”.

General bildirib ki, bu gün nə düşmən qruplaşmasının böyüklüyu, nə onlara olan dəstək, nə hava şəraiti, nə günün vaxtı, nə kütləvi informasiya dəstəyi, nə də güclu diaspora bizim ücün əsas deyil:

“Bizim ücun əsas məqsəd hər vəzifəli şəxsin öz vəzifə borclarını dəqiq bilməsi, onları icra etməyə daim hazır olması, buraxdığı səhvləri vaxtında aradan qaldırmaq ücun tədbirlər görməsi, sağlamlığı hesabına olsa belə Azərbaycanı qoruması, bizim haqlı olduğumuzu bütün dünyaya çatdırması, başqa sözlə mina sahələrini birinci keçməyə daim hazır olmasıdır”.

Qeyd edək ki, “Sədərək əməliyyatı” 2006-cı ilin may ayında həyata keçirilib.