Bakıda ailə münaqişəsi zamanı 50 yaşlı Emil Xasıyev 2 yaşlı oğluna bıçaqla xəsarət yetirib. Hadisə Səbail rayonu, Şahlar Alahverdiyev küçəsi 67-də baş verib.
Kişi bundan sonra özünə də bıçaqla xəsarət yetirib.
Daxili İşlər Nazirliyinin mətbuat xidmətinin rəisi, polis polkovniki Ehsan Zahidov virtualaz.org-a bildirib ki, polisin vaxtında müdaxiləsinin nəticəsində faciənin qarşısını almaq mümkün olub. Məlum olub ki, ailə münaqişəsi zəminində ata əvvəlcə 2 yaşlı övladına, daha sonra özünə xəsarət yetirib. Təcili tibbi yardım gələnə qədər polislər ata-balaya ilkin tibbi yardım göstəriblər. Hər ikisi xəstəxanaya çatdırılıb.
Faktla bağlı 29, 120.1-ci maddəsi ilə (qəsdən adam öldürməyə cəhd) cinayət işi açılıb.
Şərhlər