"Azərbaycan və Rusiya Müdafiə Nazirlikləri arasındakı razılaşmaya əsasən, artıq 4 ildir "Dəniz kuboku" müsabiqəsi Bakı şəhərində Hərbi Dəniz Qüvvələrinin bazasında keçirilir".
"Report" xəbər verir ki, bu sözləri Azərbaycan Hərbi Dəniz Qüvvələrinin komandanı, kontr-admiral Sübhan Bəkirov "Dəniz kuboku" beynəlxalq müsabiqəsi çərçivəsində keçirilən mətbuat konfransında deyib.
O qeyd edib ki, Azərbaycan və Rusiya Dəniz Qüvvələri pandemiya şəraiti olmasına baxmayaraq, müsabiqənin keçirilməsinə qərar verdi:
"Müsabiqə 6 mərhələdən ibarətdir: - Dəniz hədəflərinə qarşı artilleriya atışları, hava hədəflərinə qarşı artilleriyaı atışları, üzən minaya qarşı artilleriya atışları, sahil təlim-məşq kompleksində su əleyhinə davamlılıq uğrunda mübarizə, xilasedici vasitələrin istifadəsi və dəniz vərdişləri.
Müsabiqədə Rusiyanın "Mahaçqala" kiçik artilleriya gəmisi, Azərbaycanın isə G-122 gözətçi gəmisi olmaqla ümumilikdə 2 gəmisi iştirak edəcək. Müsabiqənin keçirilməsi Xəzər dənizində sülhün möhkəmləndirilməsi, dostluq əlaqələrinin inkişaf etdirilməsi və təhlükəsizliyin təmin olunmasına xidmət edir".
Şərhlər
niyə bu müsabiqə 4 ildir Azərbaycanda keçirilir? Yer qəhətdir bəgəm? rusiyanın Xazər dənizi akvatoriyasında gör nə qədər əraziləri var. Müsabiqənin burda keçirilməsində bu rusların bizə qarşı qərəzi var, bizi nəzarətdə saxlamaq istəyirlər.
Bizə "Dəniz kuboku" yox,Rusiyanın işğalı altında olan ərazilərimizin azad edilməsi "kuboku" lazımdır.