Kürdəmir Rayon İcra Hakimiyyətinin (RİH) həbs olunan başçısı Ceyhun Cəfərovun əmisi oğlu Həsən Cəfərov yüksək vəzifədə çalışır.
“Report” xəbər verir ki, Həsən Cəfərov Azərbaycan Həmkarlar İttifaqları Konfederasiyasının (AHIK) Aparat rəhbəri, Konfederasiyanın katibidir.
Eyni zamanda, H.Cəfərov İctimai Televiziya və Radio Yayımları Şirkətinin Yayım Şurasının üzvüdür.
Qeyd edək ki, H.Cəfərov 1956-ci ildə anadan olub. O, 1983-1986-cı illərdə Azərbaycan Həmkarlar İttifaqları Şurasında əməyin texniki müfəttişi, 1986-1989-cu illərdə Ümumittifaq Həmkarlar İttifaqları Mərkəzi Şurasında ətraf mühitin mühafizəsi üzrə texniki əmək müfəttişi vəzifəsində çalışıb.
Daha sonra 1989-1990-cı illərdə AHİŞ sədrinin köməkçisi, işlər müdiri, 1993-cü ildən Azərbaycan Həmkarlar İttifaqları Konfederasiyasının təşkilat işləri və məlumat şöbəsinin müdiri, aparat rəhbəri vəzifəsində işləyib.
O, 2006-cı ildən isə AHİK-in katibi-aparat rəhbəridir.
Ümumhəmkarlar İttifaqları Konfederasiyasının Şurasının və AHİK-in Məclis üzvüdür.
Xatırladaq ki, avqustun 19-da Baş prokuror yanında Korrupsiyaya Qarşı Mübarizə Baş İdarəsi tərəfindən Kürdəmir Rayon İcra Hakimiyyətində (RİH) əməliyyat keçirilib. Əməliyyat zamanı icra başçısı Ceyhun Cəfərov, başçının birinci müavini Tacəddin Novruzov, Ərazi idarəetmə şöbəsinin müdiri Natiq Kərimov və digər vəzifəli şəxslərin saxlanılıb. Hər üç şəxsə Cinayət Məcəlləsinin 308.2-ci (vəzifə səlahiyyətlərindən sui-istifadə), 311.3.1-ci (qabaqcadan əlbir olan bir qrup şəxs və ya mütəşəkkil dəstə tərəfindən rüşvət alma), 311.3.2-ci (təkrar rüşvət alma) və 311.3.3-ci (külli miqdarda rüşvət alma) maddələri ilə ittiham verilib və barələrində həbs qətimkan tədbiri seçilib.
Prezident İlham Əliyevin imzaladığı sərəncamla Ceyhun Fərrux oğlu Cəfərov Kürdəmir RİH-in başçısı vəzifəsindən azad edilib.
Şərhlər
Həsən Cəfərov öz vəzifə öhdəliyini layiqincə yerinə yetirən şəxsdir. Hər kəs öz gördüyü işə görə məsuliyyət daşıyır.
bunların hamısı oğruymuş ki?
Belə bir təşkilat nəyə xidmət edir? İşsizlik baş alıb gedir.əhalinin vəziyyəti çıxılmaz hədd,Zəhmətkeşlərin hç bir problemlərinin həllində iştirakı yox səviyyədə! Bu təşkilat kimə və nəyə xidmət etdiyi bəlli deyil.Bu dövlət büdcəsinə artıq yük deyilmi?Axı Sovet vaxtı belə bir təşkilat fəal idi.insanların hüquqlarının qorunmasında,Məzuniyyət vaxtı istirahətə güzəştli göndərişlər (putyovka) verməklə,xəstəlik hallarında və sair yardımlarla məşğul olurdular.Amma indi bunların heç biri görünmür.Ona görə bu birlik-İttifaqın ölkəyə artıq yük olduğu bəllidir.Ləğv olunmalı və ya dirçəldiməlidir.pte,