Koronavirus (COVİD-19) infeksiyasının yayılmasının qarşısının alınması məqsədilə Bakı, Cəlilabad, Gəncə, Masallı, Mingəçevir, Sumqayıt, Yevlax şəhərlərində və Abşeron, Bərdə, Xaçmaz, Goranboy, Göygöl, Salyan rayonları ərazisində tətbiq edilmiş sərtləşdirilmiş xüsusi karantin rejimi ilə əlaqədar həmin inzibati ərazilərə giriş-çıxış yalnız müvafiq ezamiyyə vərəqələri və ya “icaze.e-gov.az” portalına daxil edilmiş məlumatlar əsasında həyata keçirildiyindən son vaxtlar, xüsusilə Bakı, Sumqayıt şəhərləri və Abşeron rayonunda yaşayan və işləyən şəxslərin kütləvi şəkildə məhz həftəsonu respublikanın ayrı-ayrı bölgələrinə ezamiyyətə getmələri müşahidə olunur.
Bu barədə Baş Dövlət Yol Polisi İdarəsindən (BDYPİ) məlumat verilib.
Verilən icazədən sui-istifadə hallarının qarşısının alınması məqsədilə DİN Baş DYP İdarəsi bir daha hərəkət iştirakçılarının nəzərinə çatdırır ki, həftənin şənbə və bazar günləri fəaliyyət göstərməyən xidmət sahələrində çalışan işçilərə müvafiq ezamiyyə vərəqələrinin verilməsinə və ya “icaze.e-gov.az” portalına bu haqda məlumatların daxil edilməsinə baxmayaraq, həmin şəxslər ezam olunduqları ərazilərə həftəsonu gedəcəkləri təqdirdə sərtləşdirilmiş xüsusi karantin rejimi tətbiq edilmiş inzibati ərazilərin sərhədlərində yerləşən xüsusi karantin postlarından buraxılmayacaqlar.
Şərhlər
Bu ezamiyyə qərarının əsası varmı? Ezamiyyə kağızı olmayan sağlam insanların rayonlara getməsinin qarşısının alınması hansı məntiqə uyğundur?Nə üçün sağlam pensiyaçı,sağlam vətəndaş bu və ya başqa səbəbdən öz doğma rayonlarına gedə bilməsin.Bu insan haqlarının məhdudlaşdırılması deyilmi? Əksinə,məzuniyyət kağızı əldə edən insanlara bu icazədə məqsəd nədir? Onsuz da idarə vəə müəssisələr ya işləmir,ya da evdən iş tətbiq olunub.Ona görə bu ayrıseçkiliyin qanuni omadığı və insanlardanarazılıq yaratdığı şübhəsizdir...
Yaxşı ki dediz yoxsa bilmirdik