2019-cu ildə Azərbaycan Dövlət Neft Şirkətində (SOCAR) 1 ton neftin maya dəyəri 123,8 manat təşkil edib.
“Report”un məlumatına görə, bu barədə SOCAR-ın 2019-cu ildəki fəaliyyəti ilə bağlı illik hesabatında bildirilir.
Sənədə əsasən, bu, 2018-ci illə müqayisədə 5,8 manat və yaxud 4,9% çoxdur.
Ötən il şirkətin neft hasilatına çəkdiyi xərclərin tərkibində material və komponent xərcləri 3,9%, əmək haqqı xərcləri 15,3%, sosial ehtiyaclara ayırmalar 2,9%, amortizasiya ayırmaları 17,7%, təmir xərcləri 11,6%, texniki xidmət xərcləri 5,2%, nəqliyyat xərcləri 16,9%, mədən vergisi xərcləri isə 8,2% paya malik olub.
SOCAR-ın neftinin maya dəyərinin artması material, yanacaq, əmək haqqı, əsas vəsaitlərin amortizasiyası, əsaslı təmir, texniki xidmət, nəqliyyat və nəqliyyat vasitələrinin istismarı, mühafizəsi, mədən vergisi və digər xidmətlər üzrə xərclərin artması hesabına baş verib. Belə ki, hesabat dövründə material xərcləri 2 332 min manat (7,4%), yanacaq xərcləri 163 min manat (18,1%), əmək haqqı xərcləri 6 353 min manat (5%), əsas vəsaitlərin amortizasiyası 20 852 min manat (15,9%), əsaslı təmir və texniki xidmət xərcləri 28 209 min manat (24,2%), nəqliyyat və nəqliyyat vasitələrinin istismarı xərcləri 16 555 min manat (12,9%), mühafizə xərcləri 1 997 (14,5%), mədən vergisi 993 (1,4%), digər xidmətlər 1 472 min manat (2,6%), digər xərclər 5 860 (23,7%) artıb.
Şərhlər
1 litr neftin maya dəyəri 12 qəpik olduqda, benzinə emal maya dəyəri maksimum 10 qəpik olsa, millətə 90 qəpikdən satırlar. Buna analoqu olmayan soyğunçuluq deyirıər!
Məncə, qabaqcıl ölkələrə nisbətən mədən vergisi hədsiz aşağıdır? Elə, buna görə də ölkə-xalq lütdür neft fondu və büdcə isə hara gəldi-Azala, xarici ticarət mərkəzlərinə və s. qoyulur?