2019/2020 mövsümünün sonunda "Qarabağ"dan ayrılan Maqaye Qeyenin yeni klubu müəyyənləşib.
"Report" "Ajanspor"a istinadən xəbər verir ki, Seneqal əsilli fransalı hücumçu karyerasını Türkiyədə davam etdirəcək.
30 yaşlı forvard 2015 - 2018-ci illərdə də çıxış etdiyi "Adanaspor"la anlaşıb. Birinci liqa təmsilçisinin tezliklə bu transferi açıqlayacağı gözlənilir.
Qeyd edək ki, ötən mövsüm "Qarabağ"ın formasını geyinmiş M.Qeye meydana çıxdığı 28 oyunda 8 qol vurub.
Şərhlər