"İşğalçı Ermənistan əvvəllər qəbul etdiyi “Madrid prinsipləri”ndən Azərbaycanın işğal olunmuş ərazilərində yaratdığı qondarma rejimin dili ilə imtina etdiyini bəyan etməkdədir".
APA xəbər verir ki, bu barədə Azərbaycan Respublikası Dağlıq Qarabağ bölgəsinin azərbaycanlı icmasının rəhbəri, millət vəkili Tural Gəncəliyevin açıqlamasında deyilir.
Bildirilir ki, Ermənistan bu addımları ilə sülh prosesini pozmaqda davam edir və münaqişənin danışıqlar yolu ilə həllində maraqlı olmadığını nümayiş etdirir:
"Bir daha aydın olur ki, Ermənistanın məqsədi Azərbaycan ərazilərinin ilhaqına nail olmaqdan ibarətdir.
Son günlər xüsusilə Azərbaycanın işğal olunmuş ərazilərində təşkil edilmiş şoular, qondarma qurumun “rəhbər”inin açıqlamaları onu deməyə əsas verir ki, Ermənistanın siyasi rəhbərliyi Azərbaycana qarşı növbəti hərbi təxribat törətməyə hazırlaşır.
Biz beynəlxalq ictimaiyyəti, xüsusilə ATƏT-in Minsk Qrupunun həm-sədrlərini Ermənistanın cəzasızlıqdan həvəslənərək atdığı belə təxribatçı addımlara qarşı sərt mövqe nümayiş etdirməyə çağırırıq".
Şərhlər
İlhaq nəyə deyirsiniz?ermənistan-Rusiya ordusu torpaqlarımızı ilhaq ediblər də.
Siz, Qarabağ terrorçularını niyə Avropa Məhkəməsinə vermirsiz?
30 ilde minsk qrupu neyleyib ?
ermənistan kimdir ki,Azərbaycanın torpaqlarını işğal eləsin.Belə fikir söyləyənlər əsil işğalçının--Rusiyanın adını gizlətməyə çalışırlar.Dünyada bir ilhaqçı var,o da Rusiyadır.
niyə siz erməniyə əks həmlə etmirsiniz? Niyə erməninin həmlələrinə siz ancaq sözlə cavab verirsiniz? cavab verin bu suallara xahiş edirəm.