"Fox News" xəbər verir ki, Nikola Sarkozinin prezidentliyi dövründə Fransa və Qazaxıstan hökuməti 2 trilyon avro dəyərində müqavilələr imzalayıblar.
Korrupsiya ehtimalına görə, Fransa həmin müqavilələrlə bağlı istintaqa başlayıb.
Oktyabrın 7-də "Le Monde" qəzetinin yazdığına görə, çirkli pulların yuyulması ilə bağlı rəsmi istintaq 2013-cü ilin mayından başlayıb. "Associated Press" agentliyi Paris hakiminə istinadən bu xəbəri təsdiqləyib. Məsələ ilə bağlı aşkar danışmaq səlahiyyəti olmadığı üçün hakimin kimliyi açıqlanmır.
Hakimin sözlərinə görə, ötən ay ilkin olaraq 3 nəfər korrupsiyada və çirkli pulların yuyulmasında ittiham olunub. Sarkozinin o vaxtkı köməkçilərindən birinin vəkili də onların arasındadır. Xatırladaq ki, 2010-cu ilin oktyabrında Qazaxıstan prezidenti Nursultan Nazarbayevin Parisə səfəri zamanı bir neçə müqavilə, eləcə də Fransanın "Eurocopter" şirkətindən 45 vertolyotun alışı ilə bağlı müqavilələr imzalanıb. /eunews.az
Şərhlər